انشاء حساب



تسجيل الدخول



كتب بواسطة: سامح خليل
29 أبريل 2015
1440



- ألو.
= ألو..أيوه.
- صباح الخير.
=صباح النور، أؤمر حضرتك، اسمك؟؟
- باهى..ممكن..ممكن..ممكن..
=حضرتك علقت ولا إية؟!
- لاء..أصل..بس..أنا...مش عارف..
=حضرتك بتعانى من حاجه؟!
- لاء بس أصلى أنا تعبت..خلاص مش عارف أفكر..مش عارف أعبر.
= هى ليله مش فايته شاكلها! حضرتك شاغل التليفون عالفاضى حضرتك!
- أصلى..أصلى..خايف أتكلم!
= وخايف من إية؟!
- خايف تصنفنى..ما أنتوا بقيتوا كتير كده!
= ده إزاى !؟
- هشرحلك.

 حضرتك تمدح يقولولك "يا Over"

حضرتك تتكلم بصراحه يقولولك "يا دبش."

حضرتك تظهر حبك للأخرين يقولولك "يا كوتيكوتى."

حضرتك تسكت وتكتفى بالبحلقة يقولولك "يا معقد يا منكمش."

حضرتك تتصرف بتلقائية يقولولك "إيه البجاحة دى يا ولية؟"

حضرتك تبقى محايد وبتسمع الطرفين يقولولك "يا خاين."

حضرتك تبقى صاحب فكر ومبدأ خاص يقولولك "يا مطبلاتى."

حضرتك تحاول تعدل يقولولك "يا مصلح إجتماعى."
أنا بقيت تصنيفة فى كل شبر وقطعة تايهة.
=زززززز.....
- يا أستاذ يا أستاذ؟؟ حضرتك نمت يا أستاذ؟!
= ها...آه..آه...معاك..معاك...متأسف معلش...كنت بتقول إيه؟!

- هئ هئ...لا ولا حاجة..سلام!

وهيفضل "باهى" فى التلاهى، وفى كل شبر بيهاتى: لا للتصنيف الأفوكاتى.
هيفضل اللى بيصنف بيصنف غيره، هتوسع الدايرة ومش هتقل، ومع تكاثر ال "حضرتك" الكتير فى المجتمع تكمن المشكلة فى أن الأغلبية مع "باهى" بيبقوا  دواهى، اللى بيركزوا فى الفعل أكثر مما يفعل!
مش حقك تصنف غيرك زى ما هو مش حق غيرك يصنفك, أنت عايش لربك هو الوحيد الحاكم بأمرك.
تحي بمشيئته ولإرضاه وليس لفكر غيره ومبتغاه.

 

الصورة من موقع I Am Better Than.


تعليقات