انشاء حساب



تسجيل الدخول



كتب بواسطة: كريمة حسين
15 سبتمبر 2014
563

تنظم صفحة "اساحبى يا مهندس" لطلاب كلية الهندسة بجامعة عين شمس فاعلية إليكترونية، بعنوان "ذكريات أول يوم فهندسة"، لتتيح لطلابها الحاليين والسابقين المجال لتدوين ذكريات يومهم الجامعي الأول بالكلية، وأول محاضرة لهم، وأصدقاءهم الذين تعرفوا عليهم حينها، ومشاعرهم التي يتذكروها عند رؤية طلاب الكلية الجدد.

شارك في الفاعلية أحد الطلاب قائلا: "في أول يوم كنت جاي من قريتي المحمودية -البحيرة، ونزلت القاهرة لأول مرة لقيت الناس زحمة أوي، ركبت الأتوبيس قلت عاوز اروح هندسة عين شمس، كنت فاكر إن عين شمس ده اسم المكان مش الجامعة، لقيت نفسي في هندسة المطرية وحضرت هناك يومين على أساس إنها هندسة عين شمس معرفش أزاي".

علقّ عدد كبير من الطلاب بشكل ساخر قائلين، "أكتر حاجة فاكراها لما بصينا على الجداول ومحدش فهم منها حاجة"، وأيضا "اطردت من أول محاضرة"، وقال آخر "روحت بدري أوي أول محاضرة قبليها بساعتين ودي كانت أول وآخر مرة اعملها"، كما كتب طالب عراقي الجنسية بالكلية في الفاعلية "ع بالنا راح تبدا حياة حلوة بس صار العكس".


رابط مختصر: http://www.shafaff.com/article/208
تعليقات